Weeraryahanka Real Madrid Rodrygo ayaa shaaca ka qaaday inuu ku dhawaaday in uu ku biiro kooxda Liverpool markii uu u ciyaarayay Santos, laakiin wuxuu diiday Reds sabab la xiriirta inuusan dooneyn inuu u ciyaaro.
Laacibka heerka caalami ee dalka Brazil ayaa soo jiitay kooxaha ugu awooda badan yurub saba la xidhiidha qaab ciyaareedkiisa isaga oo 8 gool dhaliyay intii uu u ciyaarayay kooxda Brasileiro ee 2018.
Real Madrid ayaa ugu dambeyntii ku guuleysatay tartanka loogu jiro in Rodrygo uu ka tago Santos, iyadoo bixisay €45m si ay u keento Bernabeu, halkaasoo uu ka noqday shaqsi aasaasi u ah nidaamka Carlo Ancelotti.
Hadda oo 23 jir ah, Rodrygo ayaa loo diiwaan geliyay 52 gool 40 kalena caawiyey 207 kulan oo uu u saftay Los Blancos, oo ay ku jirto laba gool oo cajiib ah oo uu kooxdiisa ka dhaliyay kulankii lugta labaad ee semi-finalka Champions League ee ay ka badiyeen Manchester City xilli ciyaareedkii 2021-22.
“Waxa aan ku dhawaaday in aan ku biiro Liverpool”ayuu yidhi.
“Wax walba way ka heshiiyeen kooxaha Santos iyo Liverpool si aan u Aado England laakiin heshiiska ayaan dhicin maadama aanan doonayn in aan ku biiro Liverpool”ayuu sii raaciyay.
Be the first to comment