Kooxda kubadda cagta Arsenal waxay xaqiiqsatay in mar horeba ay kasoo baxday wareega group-yada tartanka Champions League oo ay diyaarsatay booskeeda wareegga 16ka, waxaana hadda ay sugayaan kulanka dhamaystirka ciyaaraha ka hadhsan hormada B iyo inay helaan kooxda ay isku beegmayaan.
Arsenal ayaa waxa Group B kula jiray PSV Eindhoven Lens iyo Sevilla, waxaana ay kusoo gudubtay kaalinta koowaad, hase yeeshee PSV iyo Lens ayaa kala bixi doona halka Sevilla ay macasalaamaysay tartanka oo kaliya uu hunguri ka hayo inay boos ka helaan Europa League.
Siddeed Group oo uu ka koobnaa tartanka Champions League, waxay Arsenal ka badbaadi doontaa toddobada kooxood ee kale ee kaalmaha koowaad kaga soo gudbay hormooyinkooda, sidoo kalena waxaanay is-haleelayn oo uu sarcigu diidayaa inay isku dhacaan kooxaha kale ee Premier League ee kusoo baxa kaalinta labaad iyo kuwa group B ay kasoo wada gudbeen.
Tusaale ahaan, Arsenal kuma dhacayso Man City oo kaalinta koowaad kusoo baxday, sidoo kalena Newcastle iyo Man United iskuma dhici karaan haddii ay kaalmaha labaad kaga soo baxaan hormooyinkooda, inkasta oo ay xaaladda ay kusoo bixi karayaan adag tahay.
Waa kuwan kooxaha ay Arsenal ku beegmi karayso wareegga 16ka Champions League
Atletico Madrid – Spain
Borussia Dortmund – Germany
Paris Saint-Germain – France
Braga – Portugal
FC Copenhagen – Denmark
Galatasaray – Turkey
Inter – Italy
Lazio – Italy
Milan – Italy
Napoli – Italy
Porto – Portugal
RB Leipzig – Germany
Real Sociedad – Spain
Shakhtar Donetsk – Ukraine
Be the first to comment