London Derby-ga ayaa maanta si weyn indhaha loogu hayaa, iyadoo Arsenal ay Emirates Stadium ku qaabilayso Chelsea kulan ka tirsan Premier League oo labada kooxoodba ay ku doonayaan inay sii ilaashadaan bilowgooda wanaagsan ee xilli ciyaareedka, Arsenal iyo Chelsea labaduba weli lagama badin tartamada ay ciyaareen xilli ciyaareedkan, balse kulankan ayaa la filayaa inuu soo afjaro ugu yaraan mid ka mid ah rikoodhada 100%-ka ah.
Arsenal oo ku jirta xaalad wanaagsan
Arsenal ayaa xilli ciyaareedka si fiican ku bilaabatay, iyadoo saddexdii kulan ee ugu dambeeyay ay dhammaantood guulo ka gaartay, Gunners ayaa garaacday Manchester City 3-0, Coventry City 3-0, halka kulankii ugu dambeeyay ay Aston Villa kaga soo adkaatay 1-0, Guusha ay ka gaareen Aston Villa ayaa timid iyadoo Bukayo Saka uu dhaliyay goolka muhiimka ah, waxaana Arsenal saddexdeeda kulan ee Premier League ku diiwaangelisay 3 guul, 3 clean sheet iyo 7 gool.
Si kastaba, Arsenal ayaa wajahaysa walaac ku saabsan dhaawacyada qaar iyo sidoo kale suuqa kala iibsiga oo aysan maalintii ugu dambeysay wax ciyaaryahan ah kusoo kordhin, Kooxda Mikel Arteta ayaa sidoo kale iibisay Gabriel Martinelli, Gabriel Jesus iyo Ethan Nwaneri, balse ma aysan keenin beddello cusub maalintii ugu dambeysay ee suuqa.
Arsenal waxay sidoo kale leedahay rikoodh cajiib ah marka ay la ciyaarayso kooxaha London. Gunners ayaan laga badin 16-kii kulan ee ugu dambeeyay ee Premier League London Derby, iyadoo 12 ka mid ah ay guulo ahaayeen, halka 4 kulan ay barbaro galeen.
Chelsea oo weerar xooggan ku bilaabatay
Dhanka kale, Chelsea ayaa iyaduna si weyn ku bilaabatay xilli ciyaareedka, iyadoo labada kulan ee Premier League ay dhalisay 12 gool, taasoo ka dhigaysa kooxda ugu goolasha badan horyaalka waqtigan, Chelsea waxay 3-2 kaga adkaatay Fulham, halka Brighton & Hove Albion ay 4-3 ku garaacday kulan aad u xiiso badan.
Kulankii Brighton, Chelsea ayaa 3-0 ku hormartay, balse Brighton ayaa soo laabatay oo ciyaarta ka dhigtay 3-2, Chelsea ayaa haddana dhalisay gool afaraad, inkastoo Brighton ay daqiiqadihii dhimashada cadaadis xooggan saartay, Kooxda Xabi Alonso ayaa hadda dooneysa inay markii ugu horreysay tan iyo xilli ciyaareedkii 2016/17 ku guuleysato afarteeda kulan ee ugu horreeya tartamada oo dhan.
Chelsea sidoo kale waxay leedahay weerar si fiican u shaqeynaya, iyadoo Cole Palmer uu fursad u haysto inuu kulankan ku dhaliyo goolkiisii 50-aad ee Premier League ee Chelsea, isaga oo ciyaaraya kulankiisii 99-aad ee kooxda horyaalka.
Wararka dhaawacyada Arsenal
Arsenal waxaa walaac geliyay xaaladda Declan Rice iyo Cristhian Mosquera kadib markii ay labaduba dhaawacyo kaga baxeen kulankii Aston Villa, Mosquera ayaa seegay tababarkii Arsenal ee Khamiistii, waxaana la filayaa in taasi fursad siiso Ezri Konsa inuu kulankan sameeyo kulankiisii ugu horreeyay ee buuxa.
Rice ayaa dhanka kale lagu arkay isagoo tababar qaadanaya, waxaana la filayaa inuu diyaar u noqdo kulanka Chelsea, Jurrien Timber ayaa sidoo kale kusoo laabtay tababarka buuxa, halka William Saliba uu weli maqnaan doono sababo la xiriira dhaawac dhabarka ah.
Chelsea iyo dhaawaca Moises Caicedo
Chelsea ayaa iyaduna haysata walaac muhiim ah, kadib markii Moises Caicedo uu dhaawac hore uga sii daray kulankii Brighton, Caicedo ayaan weli si buuxda loo xaqiijin inuu diyaar u yahay kulanka Arsenal, Chelsea sidoo kale way weyday Enzo Fernandez, kaasoo Manchester City ugu biiray heshiis qiimihiisu gaarayo £125 milyan.
Lamine Camara ayaa la filayay inuu kulankan u safto Chelsea kulankiisii ugu horreeyay, balse Monaco ayaa si lama filaan ah u joojisay heshiiskii ciyaaryahanka, Jordan Henderson iyo Marco Palestra ayaa sidoo kale dhaawacyo awgood aan diyaar u ahayn Chelsea.
Shaxda la Filayo
Arsenal:
Raya; White, Konsa, Gabriel, Calafiori; Lewis-Skelly, Rice; Saka, Odegaard, Tzolis; Havertz.
Chelsea:
Martinez; Lacroix, Colwill, Fofana; James, Gusto, Lavia, Hato; Rogers, Palmer; Pedro.
Arsenal mise Chelsea?
Kulankan ayaa ah mid aad u adag in si fudud loo saadaaliyo. Arsenal waxay leedahay faa’iidada garoonkeeda iyo rikoodh aad u wanaagsan oo ay ka sameysay London Derby-yada, halka Chelsea ay leedahay weerar awood badan oo durba dhaliyay goolal badan.
Si kastaba ha ahaatee, Chelsea ayaa saddexdii kulan ee ugu dambeeyay laga adkaaday markii ay Arsenal la ciyaartay, waxaana Blues aysan Arsenal ka adkaan wax ka badan shan sano.
Be the first to comment