Liverpool ayaa weli si dhab ah uga shaqaynaysa sidii ay ula soo wareegi lahayd xiddiga garabka ka ciyaara ee Bradley Barcola oo haatan u ciyaara Paris Saint-Germain.
Kooxda reer England ayaa weli doonaysa ciyaaryahanka, waxaana labada dhinac, Liverpool iyo PSG, ay sii wadaan wada-hadallada ku saabsan heshiiska.
Inkasta oo wada-hadalladu socdaan, haddana waxaa jira farqi dhinaca qiimeynta dhaqaale ah, iyadoo PSG ay dooneyso lacag ka badan tan Liverpool ay hadda diyaar u tahay inay bixiso.
Si kastaba ha ahaatee, arrinta ugu muhiimsan ayaa ah in shuruudaha shaqsiga ah ee Barcola iyo Liverpool aysan dhibaato ku ahayn heshiiska, taasoo ka dhigan in caqabadda ugu weyn ay tahay oo keliya in labada kooxood ay isku fahmaan qiimaha ciyaaryahanka.
Liverpool weli kama aysan harin tartanka, waxaana ay si firfircoon uga shaqaynaysaa sidii heshiiska loo soo gabagabeyn lahaa. Sida xaaladdu hadda tahay, heshiiska Barcola iyo Liverpool weli wuu nool yahay, waxaana indhaha lagu hayaa wada-hadallada socda ee u dhexeeya Liverpool iyo PSG.
Be the first to comment