Mikel Arteta wuxuu wajahayaa go’aan weyn oo ku saabsan xaaladda taam ahaanshaha Kai Havertz marka Arsenal ay la ciyaarayso Leeds United kulan ka tirsan premier League.
Gunners waxay u safri doonaan Elland Road iyagoo doonaya inay soo afjaraan saddex kulan oo xiriir ah oo ay guul la’aan ahaayeen, taasoo rajo gelisay kooxaha la tartamaya ee loollanka horyaalka Premier League.
Havertz wuxuu ka qayb galay kulankiisii ugu horreeyay ee uu safka hore kaga bilowdo ku dhowaad hal sano bartamihii toddobaadka, markaasoo uu ka ciyaaray kulankii Kairat ee Champions League, isagoo dhaliyay hal gool isla markaana caawiye sameeyay 15-kii daqiiqo ee ugu horreeyay.
William Saliba iyo Jurrien Timber labaduba waa taam kaddib markii ay seegen kulankii Kairat sababo la xiriira dhaawacyo yaryar.
Ciyaartoyda ay ka mid yihiin Bukayo Saka, Declan Rice iyo Gabriel ayaa la nasiyay bartamihii toddobaadka, waxaana la filayaa inay dhammaantood kusoo laabtaan safka bilowga kulankan.
Riccardo Calafiori wuxuu ciyaaray 45 daqiiqo kulankii Champions League, waxaana suuragal ah inuu helo daqiiqadihiisii ugu horreeyay ee Premier League tan iyo bishii December, markan ka dhacaya Yorkshire.
Shaxda Ay Arsenal kaga hor tagayso Leeds United:
Raya; Timber, Saliba, Gabriel, Calafiori; Zubimendi, Rice, Odegaard; Saka, Gyokeres, Trossard
Be the first to comment