Wargeysyada England ayaa shaaca ka qaaday in Barcelona ay ku dhowdahay dhamaystirka saxiixa weeraryahanka Manchester United Marcus Rashford inta lagu guda jiro suuqa kala iibsiga xagaagan.
Sida laga soo xigtay wargayska The Athletic ee ka soo baxa Ingiriiska, wada xaajoodka labada dhinac ayaa gaadhay heerkiisii ugu dambeeyay, ka dib markii Barcelona ay soo gudbisay dalab amaah ah oo ay doonayso in ay kula wareegto xiddiga.
Wargayska ayaa sharaxay in Manchester United ay ogolaatay dalabka ay soo gudbisay kooxda reer Catalonia iyada oo xogta ugu dambaysa la dhamaystiri doono maalmaha soo socda.
Rashford ayaa qeybtii labaad ee xilli ciyaareedkii hore amaah ku qaatay Aston Villa ka hor inta uusan ku laaban Manchester United, oo uu qandaraas kula jiro ilaa June 30, 2028.
Laacibka reer England waxa uu Red Devils ka qayb qaatay 426 kulan,waxa uu u dhaliyay 138 gool,waxana uu sameeyay 77 caawin.
Be the first to comment