Diogo Jota ayaa taam u noqon kara kulanka sabtida ee Bournemouth xilli Liverpool ay doonayso in ay sii dheereysato hogaanka horyaalka Premier League.
Reds ayaa u safreysa xeebta koonfureed iyadoo lix dhibcood ka sareysa Arsenal.
Waxaa la filayaa inay xoojiyaan faa’iidadooda iyadoo Gunners ay wajaheyso kulan adag oo ay wajahayaan Manchester City, halka Arne Slot uu awooday inuu nasiyo xiddigaha ugu muhiimsan kooxdiisa kulankii PSV.
Waxa la filayaa in ay kooxdu ku soo gasho shaxda ugu adag marka ay la ciyaarayso kooxda Bournemouth kuwaas oo aan laga badin 12 kulan xilli ciyaareedkan.
Isagoo ka hadlayay shirkiisa jaraa’id ee ka hor kulanka jimcihii, tababaraha ayaa wax laga weydiiyay taam ahaanshaha Jota, Darwin Nunez iyo Joe Gomez.
“Saddexdoodaba waxay ku jiraan tababarka maanta, markaa su’aashu waxay tahay ‘Miyay awood u leeyihiin in ay ciyaaraan kulanka Bournemouth?’.
“Waa in aan sugno sababta oo ah waxa aan haysanaa 20 ciyaartoy oo diyaar ah”.
“Marka, waa inaan gaarnaa go’aanka ugu caqli badan iyaga, laakiin sidoo kale inaan badino kulanka berri.”
Be the first to comment