Kooxda Manchester United ayaa xiriir la sameysay Thomas Tuchel si ay ugu badalaan Erik Ten Hag xilli ciyaareedka dambe.
Taasi waa sida laga soo xigtay warbixino cusub oo ka soo baxay Jarmalka, kuwaas oo soo baxay ka dib guushii cidhiidhiga ahayd ee Man United ee Coventry City Axadii.
Tuchel ayaa ka tagaya Bayern dhamaadka xilli ciyaareedkan, waxaana loo maleynayaa in maamulida United ay noqon doonto shaqadiisa riyada.
Bishii January ayaa la sheegay in ay Man United Tuchel ku dartay Liiska tababarayaasha badali kara Ten Hag.
Waxaa hadda loo maleynayaa in United ay xiriir la sameysay Tuchel iyada oo Milkiilaha kooxda ee Sir Jim Ratcliffe uu aad u qiimeeyo tababarihii hore ee chelsea.
Sir Jim Ratcliffe ayaa la sheegayaa in uu Tuchel waydiiyay hadii uu noqon karo badalka Ten Hag hadii ay iska fasaxaan tababare Ten Hag.
Be the first to comment