Leny Yoro ayaa doortay inuu Manchester United ku biiro halkii uu ku biiri lahaa Real Madrid taas oo noqotay mid la yaab leh marka la eego in ay cid walba filaysay in uu xiddigu ku biiro Real Madrid.
Sida laga soo xigtay Telegraph, Man United ayaa balan-qaad ah u samaysay Yoro si ay ugu qanciso in uu iska diido Real Madrid.
Kooxda Man United ayaa xiddiga da’yarka ah u soo bandhigtay fursad uu si joogto ah ugu ciyaaro kooxda isla markaas qayb uga ahaado dib u dhiska Man United.
Xiddiga ayaa doonayay in uu helo balan-qaad ah in uu si joogto ah u ciyaaro si uu u sii wado horumarkiisa ciyaareed.
Yoro ayaa ciyaaray kulankii ay Man United ka badisay Rangers kulan ka tirsanaa isku diyaarinta xilli ciyaareedka cusub.
Be the first to comment