Chelsea ayaa waqtigii nasashada barbaro 2-2 ah la gashay kooxda Wolves mana jirin cid filaysay in Blues ay ku badiso ciyaarta 6-2 dhamaadka ciyaarta.
Lakiin Noni Madueke oo si deg deg ah u dhaliyay saddexley ka dib nasashada ayaa keentay in Blues ay gaarto guul la taaban karo.
Enzo Maresca ayaa u sharaxay Sky Sports: “Qaab ciyaareedka wuxuu ahaa mid wanaagsan, waxaan filayaa in qeybta hore aysan aheyn qaab ciyaareed dhameystiran, waxaan ku bilownay si wanaagsan 10 ilaa 15 daqiiqo ee ugu horeysay, waxaan dhalinay gool, waxaana helnay labo ama seddex fursadood oo kale”.
“Kadib waxaan luminay dhowr kubadood oo fudud, marka aad rabto inaad gadaal ka soo dhisto ma ogolaan kartid inaad lumiso kubado fudud hadii kale lagugu helayaa kubad rogaal celis ah”.
“Qaybtii labaad kooxdu waxa ay ahayd mid sax ah, ma uusan jirin kubado badan oo aan luminay, guud ahaan ciyaartu waxa ay ahayd mid fiican”.
Haddaba muxuu Maresca ku yidhi xiddigaha qaybtii nashashada”Sidii aan idhi waxa aan u sheegnay in aan iska saxno kubada”.
Be the first to comment