Suuqa ayaa si Rasmi ah u furmay iyada oo kooxaha kala duwan u furantahay in ay dhamaystiraan saxiixyada.
Kooxaha ayaa haatan bilaabi kara in ay sameeyaan saxiixyada ay doonayaan in ay ku xoojiyaan kooxooda.
hadaba kooxda.com waxa ay idiin balan-qaadaysaa in ay si joogto ah idiinku soo gudbiso wararkii ugu dambeeyay ee suuqa.
Barcelona ayaa dooneysa inay dib ula soo saxiixato Joao Cancelo oo ka tirsan Manchester City ka dib markii uu amaah ku guuleystay xilli ciyaareedkii hore,laakiin Manchester United Aaron Wan-Bissaka ayaa ku jira liiskooda beddelka ah haddii aysan keeni karin bartilmaameedkooda sare ee daafaca midig (Caught Offside).
Man Utd ayaa Matthijs de Ligt u soo bandhigtay heshiis shan sano ah, halka ay wali socdaan wadahadalada Bayern Munich ee ku saabsan qiimaha ay ku iibinayaan daafaca reer Holland (De Telegraaf).
Arsenal ayaa si rasmi ah u dhamaystirtay saxiixa David Raya oo ay kula soo wareegtay 27 milyan kadib markii uu dhamaaday amaahdii uu kaga yimid Brentford (Daily Mail).
Dhanka kale, bartilmaameedka Arsenal ee Johan Bakayoko ayaa qirtay inuusan ogeyn inuu sii joogi doono PSV Eindhoven iyo in kale (Football.London).
Newcastle United ayaa kalsooni ku qabta inay ceshan karaan Alexander Isak inkastoo ay sii kordhayaan xiisaha Chelsea (Football Insider).
Liverpool ayaa ka mid ah kooxaha laga yaabo inay qandaraaska u gudbiyaan xiddiga khadka dhexe ee Adrien Rabiot. AC Milan ayaa sidoo kale miisaamaysa dalab (Calciomercato).
Liverpool ayaa sidoo kale laga yaabaa inay sameyso isku day kale oo ay kula soo saxiixaneyso Anthony Gordon oo ka tirsan Newcastle (TEAMtalk).
Man City ayaa dib u soo celin karta xiisaha ay u qabto xiddiga RB Leipzig ee Dani Olmo. Kubadsameeyaha ayaa lagu amaanay qaab ciyaareedkiisa Euro 2024 oo uu dib ugu soo laabtay Spain (The Sun).
Daafaca Bologna ee Riccardo Calafiori ayaa qirtay in uu jecelyahay in uu ku biro Chelsea (Romano).
Dhanka kale, Man Utd, Liverpool iyo PSG ayaa dhamaantood xiriir dhow la sameeyay daafaca Lille Leny Yoro maalmihii la soo dhaafay si ay u ogaadaan inay sugi doonaan haddii uu burburo qorshaha uu ugu dhaqaaqi lahaa Real Madrid. (Fabrizio Romano).
Daafaca dhexe ee kale ee ay Liverpool isha ku hayso waa Murillo, kaasoo laga yaabo inay iibiso Nottingham Forest si ay u yarayso walaacooda dhaqaale (Football Insider).
Milan ayaa ku riixaysa inay Romelu Lukaku amaah ugala soo wareegto Chelsea, laakiin waxa u sii dheer weeraryahanka Bologna Joshua Zirkzee oo aanay ahayn beddelkii (Gianluca Di Marzio).
Arsenal ayaa haatan hogaamineysa tartanka loogu jiro saxiixa weeraryahanka PSV Eindhoven Johan Bakayoko, kaasoo lagu heli karo ku dhawaad 42 milyan (DHNet).
Bayern Munich ayaa isku diyaarinaysa inay iska iibiso Joshua Kimmich xagaagan, iyadoo tababaraha cusub ee Vincent Kompany uu qorsheynayo inuu khadka dhexe ku bedelo Joao Palhinha (Sky Sport Germany).
Barcelona ayaa si adag uga shaqaynaysa sidii ay u heli lahayd saxiixa xiddiga RB Leipzig ee Dani Olmo (Sport).
Be the first to comment