Bruno Guimarães ayaa fariin xooggan u diray taageerayaasha Arsenal, isagoo ballanqaaday inuu garoonka ku bixin doono wax walba, isla markaana uu diyaar u yahay inuu kooxda u dagaallamo.
Bruno Guimarães: “Waxaan taageerayaasha siin doonaa waxa ugu fiican ee aan awoodo, taas waan ballanqaadayaa. Waxaan ahay DAGAAL-YAHANKIIN.”
Wuxuu sidoo kale sheegay inuusan waligiis is dhiibin, isagoo rajeynaya inuu Arsenal iyo taageerayaasheeda la sameeyo xusuuso badan oo wanaagsan.
Bruno: “Waligay ma quusan doono. Waxaan rajeynayaa inaan si wadajir ah u abuurno xusuuso badan oo aad iyo aad u wanaagsan.”
Bruno Guimarães ayaa sidoo kale si cad u sheegay hamigiisa ugu weyn: inuu Arsenal kula guuleysto koobab, taariikhna la sameeyo.
Bruno: “Waxaan doonayaa inaan ku guuleysto koobab, waxaan doonayaa inaan taariikh sameeyo, waxaana u maleynayaa inaan joogo meesha saxda ah ee aan sidaas ku sameyn karo: Arsenal.”
Hadalladan ayaa muujinaya sida weyn ee Bruno Guimarães uu ugu hamuun qabo inuu Arsenal kula guuleysto koobab, isla markaana uu qayb uga noqdo taariikhda kooxda.
Be the first to comment