Tababaraha Man City Pep Guardiola ayaa muujiyay sida uu ugu faraxsan yahay guushii ay kooxdiisu ka gaartay Leyton Orient ciyaar ka dhacday Bressian Road Stadium, ee wareega afaraad ee FA Cup.
Guardiola ayaa yiri intii lagu jiray shirkii jaraa’id: “Ma garanayo sida ay u eg tahay kooxaha hoose, laakiin khibraddu waa mid cajiib ah, jawiguna waa mid cajiib ah, ciyaartoydana waxay ku faraxsan yihiin qolka labiska ee yar”.
Wuxuu ku daray: “Markii aan imid England, waxaan aaday inaan wajaho Stoke City, waxaana si toos ah u gartay waxa uu yahay Premier League-ga Ingiriiska waxaan qabaa in kulankaan uu yahay soo dhaweynta ugu fiican ee ciyaartoydeena cusub.”
Isaga oo hadalkiisa sii wata ayuu yidhi: “Tani waa sababta uu koobka FA-ga u yahay mid la yaab leh”.
Be the first to comment