Ruben Amorim ayaa ugu baaqay Marcus Rashford inuu garwaaqsado taageerayaasha Manchester United ka dib markii weeraryahanka uu dhaleeceyn kala kulmay taageerayaasha ka dib guuldaradii 2-0 ka soo gaartay Arsenal fiidnimadii Arbacada.
Rashford ayaa la soo galiyay qeybtii labaad ee ciyaarta iyadoo labo gool oo kubad koorno ah ay ka heleen Jurrien Timber iyo William Saliba ay guusha u xaqiijiyeen kooxda Mikel Arteta.
Ciyaartoyda United ayaa aaday taageerayaasha Man United kadib dhamaadka ciyaarta si ay ugu mahad celiyaan laakiin Rasnford ayaa la arkay isaga oo si toos ah uga baxay garoonka halka ay saaxiibadiisa kale u sacabinayeen taageerayaasha.
Ka dib markii wax laga waydiiyay falkii Rashford Jimcihii, Amorim wuxuu ku adkaystay in dhammaan ciyaartoyda United ay tahay inay qaataan daqiiqad si ay u muujiyaan ixtiraamkooda taageerayaashooda.
“Dabcan, waa inaan sameynaa, gaar ahaan marka aan guuldaraysano ma ahan marka aan guulaysano oo kaliya”ayuu Amorim yidhi.
“Waan sameyn doonaa taas, qof walbana waa inuu sameeyaa. Waxay noqon doontaa sidaas”ayuu sii raaciyay.
Be the first to comment