![image_2024-02-16_174053769](https://i0.wp.com/kooxda.com/wp-content/uploads/2024/02/image_2024-02-16_174053769.png?resize=678%2C381&ssl=1)
Booska weerarka ayaa ah mid muhiim u ah kubada cagta iyada oo kooxda haysata weeraryahan dilaa ah ay tahay koox aan la iska celin karin.
Hadaba warbixintan waxa aan ku soo bandhigi doonaa 10-ka weeraryahan ee ugu fiican wakhti xaadirkan kubada cagta.
1.Erling Haaland
Xiddiga reer Norway xilli ciyaareedkiisii ugu horeeyay ee England waxa uu dhaliyay rikoor 52 gool ah iyada oo Manchester City ay ku guuleysatay seddexda koob.
Haaland dhaawac ayaa soo gaadhay xilli ciyaareedkan laakiin dib ayuu u soo noqday oo mar kale ayuu qaab ciyaareed fiican soo bandhigay. Labo gool ayuu ka dhaliyay Everton waxana uu goolashiisa ka dhigay 21 gool 26 kulan oo uu ciyaaray xilli ciyaareedkan.
2.Harry Kane
Kabtanka England ayaa ka mid ah weeraryahanada ugu fiican kubbada cagta aduunka dhowr sano haatan wuxuuna dhaliyay 28 gool 29 kulan oo uu u saftay Bayern Munich kadib markii uu xagaagii u dhaqaaqay.
3.Kylian Mbappe
Ku guuleystaha Koobka Adduunka waxa uu ka ciyaari karaa meel kasta oo ka mid ah seddexda weerarka ah laakiin orodkiisa iyo dhameystirkiisa ayaa ka dhigaya weeraryahan dhibaato badan.
4.Victor Osimhen
Mid ka mid ah weeraryahannada loogu doonista badan yahay adduunka. Laacibka sanadka ee Afrika ayaa ahaa xiddig aan laga hor iman karin sanadkii uu Napoli ku hogaamiyay ku guulaysiga horyaalka markii ugu horaysay tan ilaa 1990-kii.
5.Lautaro Martinez
Samaynta shanta ugu sareysa waa weeraryahan aan inta badan laga hadlin Martinez waa gooldhaliyaha ugu sareeya Serie A isagoo dhaliyay 19 gool xilli ciyaareedkan, waxaana uu u muuqdaa inuu Inter ku hogaamin karo horyaalka Talyaaniga.
6.Heung-Min Son
Tababare Ange Postecoglou waxa uu la qabsaday bixitaankii Harry Kane isaga oo Heung-Min Son ka dhigay kabtankiisa, Waxa uu dhaliyay 12 gool iyo lix caawin isaga oo Tottenham ka dhigay kuwo u tartamaya boosaska champions League.
7.Victor Boniface
23-sano jirkaan ayaa u soo baxay mid ka mid ah weeraryahanada ugu fiican wakhti xaadirkan isagoo dhaliyay 16 gool, waxaana uu caawiyay 8 kale kooxda hogaanka heysa ee Bayer Leverkusen.
8.Julian Alvarez
Ku guuleystaha Koobka Adduunka ayaa door qoto dheer ka ciyaaray xilli ciyaareedkan, lakiin weli waa lambarka sagaalaad ee wadnaha waxaana uu u ciyaaraa doorar kala duwan sidoo kale.
9.Cristiano Ronaldo
Dadka qaar ayaa laga yaabaa in ay ku doodaan in Saudi Pro League uusan ahayn horyaalka fiican laakiin Ronaldo ayaa 54 gool u dhaliyay koox iyo wadan 2023 wuxuuna ahaa gooldhaliyaha ugu sareeya adduunka.
10.Robert Lewandowski
Kabtanka Poland waxa uu ahaa mid ka mid ah weeraryahanada ugu fiican muddo sanado ah. Qaab ciyaareedkiisii ugu fiicnaa wuxuu ku soo bandhigay Bayern Munich laakiin 35-sano jirkaan ayaa wali soo bandhigay qaab ciyaareed fiican ciyaareedkiisii ugu horeeyay ee Barcelona.
Be the first to comment