Xulka England ayaa guul cidhiidhi ah ka gaadhay xulka Slovakia kulan ka tirsanaa wareega 16-ka euro 2024.
Xulka England ayaa maamulayay ciyaarta iyaga oo ka awood badnaa xulka Slovakia laakiin waxa ay ku dhibaatoonayeen in ay gool u badalaan fursadaha ay helayeen.
Xulka Slovakia ayaa ciyaarayay weeraro rogaal celis ah iyaga oo ku halis badnaa weerarada dhinaca rogaal celiska ah.
Daqiiqadii 25-aad ayuu xulka Slovakia dhaliyay goolka 1-aad waxana u dhaliyay Ivan Schranz kaas oo ciyaarta ka dhigay 1/0.
Xulka England ayaa wax walba u sameeyay sidii ay u dhalin lahaayeen goolka bar-baraha laakiin uma suurtagalin ay dhaliyaan gool.
Xulka England ayaa dhaliyay gool uu u dhaliyay Foden laakiin goolka ayaa la diiday sabab la xidhiidha Offside.
Xulka England ayaan niyad jabin waxana ay sii wadeen dadaalka.
Daqiiqadii 90+5-aad ayuu xulka England dhaliyay goolka bar-baraha waxana u dhaliyay xiddiga J. Bellingham.
Ciyaarta ayaa sidaas ku dhamaatay 90-kii daqiiqo waxana la Isla aaday wakhti dheeri ah.
Xulka England ayaa sii waday dadaalka iyada dhiirigalin ka helay bar-baraha.
Daqiiqadii 91-aad ayuu xulka England dhaliyay goolka 2-aad waxana u dhaliyay xiddiga H. Kane kaas oo hogaanka u dhiibay xulkiisa.
Be the first to comment