Tim Howard ayaa farta ku fiiqay caqabada ugu wayn ee Arsenal ka hor istaagaysa ku guulaysiga Premier league xilli ciyaareedkan wuxuuna sheegay in Liverpool ay ku jirto ‘booska ugu fiican’ ee horyaalka.
Gunners ayaa ku soo laabatay hogaanka horyaalka premier League kadib markii ay ka badiyeen kooxda Brighton sabtidii laakiin Liverpool ayaa dib ugu soo laaban karta hadii ay ka badiyaan Man United Axada.
Manchester City, oo shalay 4-2 ku garaacday Crystal Palace, ayaa ku jirta kaalinta saddexaad iyagoo isku dayaya in ay markii 5-aad ku guulaystaan horyaalka premier League.
Howard ayaa aaminsan in ay Arsenal ku fashilmi doonto ku guulaysiga horyaalka premier League xilli ciyaareedkan
Goolhayihii hore ee Premier League ayaa aaminsan in kulamada adag ee chelsea, Man United iyo Tottenham ay sabab u noqon karto in ay Arsenal ku fashilanto ku guulaysiga horyaalka.
Markii la weydiiyay saadaasha horyaalka Premier League, Howard wuxuu ku yiri NBC Sports”Aad ayay u adagtahay in la saadaaliyo kooxda ku guulaysan doonta horyaalka laakiin Kulamada Arsenal u hadhay ayaa adag”.
“Hore ayaan ugu taageeray Arsenal inay ku guulaysato horyaalka laakiin waxaan u malaynayaa in Liverpool ay ku jirto booska ugu cad cad ee horyaalka”.
Be the first to comment