Tababaraha Manchester City Pep Guardiola ayaa ku adkeysanaya in tartanka horyaalka Premier League uu weli furan yahay inkastoo Arsenal iyo Liverpool ay siibteen todobaadkan.
Kooxda difaacanaysa horyaalka ayaa ku soo laabatay hogaanka horyaalka sabtidii kadib markii ay kooxaha kula tartamaya horyaalka ee Arsenal iyo Liverpool la kulmeen guuldarooyin.
Man City ayaa 2 dhibcood ku hogaaminaysa horyaalka waxana ay haatan ugu cad-cad yihiin ku guulaysiga horyaalka.
Isagoo hadlayay ka hor kulanka Arbacada ee lugta labaad ee wareega 8da Champions League ee Real Madrid, Tababaraha Man City ayaa yidhi”Waa maxay farqiga labada dhibcood?.
“Markii ay Arsenal Iyo Liverpool 2 dhibcood naga hooreeyeen kamaan fikirayn wax kale aan ka ahayn in aan shaqadeena qabsano maadama ayna waxba dhamaan”.
“Haatan maadama aan 2 dhibcood ku hogaaminayno horyaalka waxa aan dareemayaa sidii hore wali waxba ma dhamaan”ayuu sii raaciyay.
Be the first to comment