Alvaro Morata ‘ma sugi karo’ inuu la kulmo Liverpool wuxuuna sheegay in kulanka Reds iyo Rossoneri ee ka dhici doona San Siro uu la mid yahay Final-ka champions League.
Milan ayaa garoonkeeda San Siro ku soo dhawaynaysa Liverpool furitaanka tartanka Champions League 2024-25 Salaasada.
“Waxaan ku riyoonayay ciyaarahan oo kale tan iyo markii aan ku soo biiray kooxda. Milan-Liverpool waxay noqon kartaa Final, laakiin waa kaliya kulanka ugu horeeya. Waxaan rabnaa inaan taageereyaasheenna ka farxino. Ma sugi karno inaan ciyaarno kulankaan,” Morata ayaa ku yiri shir jaraa’id
Morata ayaa badal lagu soo galiyay qaybtii danbe ee kulankii Venezia ee Axadii kadib markii uu ka soo kabsaday dhaawac laakiin waxa la filayaa in uu ku soo bilowdo kulanka Liverpool bari.
“Champions League wuu ka duwan yahay wax walba,” ayuu yiri.
“Waa run inaan u baahanahay inaan badino si aan ugu diyaargarowno kulankaan, laakiin Champions League, laguma xisaabinayo sida aad ciyaarta ku aadeyso. Waxaa jira kooxaha ugu fiican Yurub. Qof walba waa ogyahay sida uu Champions League muhiim ugu yahay.”
Be the first to comment