Weeraryahanka Liverpool Mohamed Salah ayaa samayn kara rikoodh uu sameeyay Halyeey kooxda ah marka hogaamiyayaasha Premier League ay wajahaan Arsenal axada.
Tan iyo imaatinka Arne Slot, kooxda Merseyside ayaa badisay 7 ka mid ah sideedii kulan ee ay ciyaareen si ay ugu fariistaan hogaanka horyaalka Premier League.
Intaa waxaa dheer, Liverpool ayaa badisay afartii kulan ee kale ee Champions League iyo EFL Cup si ay u badiyaan 11 ka mid ah 12-kii kulan ee ay ciyaartay xilli ciyaareedkan.
Salah ayaa wacdaro dhigaya xilli ciyaareedkan isaga oo doonaya in uu isku qoro taariikhda Liverpool kulanka Arsenal.
Mohamed Salah ayaa ku jira kaalinta 9-aad ee xiddigaha ugu goolasha badan taariikhda premier League isaga oo dhaliyay 162 gool.
Hadii 32-sano jirkaan uu gool ka dhaliyo Gunners, waxa uu barbareyn doonaa goolasha Halyeeyga Liverpool ee Robbie Fowler.
Be the first to comment