Daafaca dhexe ee kooxda Manchester United Matthijs de Ligt ayaa hadlay ka dib markii uu gacan ka geystay guushii ay kooxdiisu 3-0 kaga badisay Southampton kulan ka tirsanaa horyaalka Premier League.
De Ligt ayaa yiri: “Sida iska cad guushu waxay ahayd mid muhiim ah, waxaan qabaa haddii aad seddex dhibcood ka hesho seddex kulan, taasi kuma filna, sidaas darteed waxaa jiray cadaadis, laakiin waxaan u maleynayaa inaan u ciyaarnay si wanaagsan.”
Waxa uu intaa ku daray:”Waxan uga mahad celinaynaa Andre Onana, kaasoo badbaadiyay rigoore muhiim ah oo ciyaarta noo bedelay.”
Isagoo ka hadlayay gool-kii uu dhaliyay ayuu yidhi”Waxan ka shaqaynay sidii aan u dhalin lahayn kubadaha karooska ah waxana uu ahaa gool si fiican la iigu soo dhigay”.
“Waxa aan goolka hadiyad uga dhigayaa xaaskayga”ayuu sii raaciyay.
Be the first to comment