Halyeeyga reer Netherlands ee Johnny Rep ayaa Arne Slot u saadaaliyay in uu ku guulaysto horyaalka Premier League xilli ciyaareedkiisa ugu horeeya ee Reds.
Slot, oo 45 jir ah, ayaa Klopp ka bedeli doona tababaraha Liverpool xagaagan. Slot ayaa ka tagi doona Feyenoord isagoo ku hogaamiyay horyaalka Eredivisie xilli ciyaareedkii hore iyo Koobka Holland.
Kooxda Liverpool ayaa lagu soo waramayaa inay siin doonto Feyenoord € 9m oo lagu daray €2m oo dheeri ah.
Badalista Klopp waa mid aad u adag sida uu qabo Rep laakiin waxa uu sheegay in uu Slot si fiican ula qabsan doono.
Isagoo la hadlaya The Sun, ciyaaryahankii hore ee garabka ka ciyaara wuxuu ku adkaystay in Slot uu awoodo in uu buuxiyo booska Klopp ka tagayo isla markaas ku hogaamin doono horyaalka.
“Arne waxa uu leeyahay awood uu ku buuxiyo booska Klopp, waa kabo weyn oo uuna buuxin karin laakiin waxa uu ku guulaysan doonaa horyaalka sanadkiisa ugu horeeya”ayuu sii raaciyay.
Be the first to comment