Tababaraha Liverpool Arne Slot ayaa rajaynaya in uu Joe Gomez sii joogo kooxda wixii ka dambeeya dhamaadka suuqa kala iibsiga, inkastoo ay jiraan warar xan ah oo ku saabsan mustaqbalka daafaca.
Reds ayaa bilaabatay xilli ciyaareedkeeda premier League sabtidii iyaga oo ka badiyay kooxda Ipswich klulan uuna Gomez ciyaarin.
Warbixino dhowr ah ayaa soo jeedinaya in Gomez uu ka fikirayo mustaqbalkiisa Merseyside, isagoo doonaya in uu isaga tago kooxda xagaagan.
27-sano jirkaan ayaa ah ciyaaryahanka ugu waqtiga dheer Liverpool isagoo u soo dhaqaaqay Anfield 2015, waxaana lala xiriirinayay inuu u dhaqaaqayo Newcastle United, kuwaasoo doonaya inay xoojiyaan doorkooda daafaca ka hor dhamaadka suuqa kala iibsiga.
Isagoo ka hadlayay ka hor kulanka ay kooxdiisu la yeelan doonto Brentford usbuucan, Slot wuxuu sharraxay sababta Gomez uu u seegay kulankii sabtidii.
“Runtii si adag ayuu u shaqeeyay tan iyo markii uu soo noqday,” ayuu yiri Slot.
“Wax badan ma uusan ciyaarin Euro, markii uu ku soo laabtay kulamadii ugu horeysay ma uusan awoodin inuu tababaro kulanka oo dhan, sidaas darteed waxaan ku qasbanahay inaan maareyno culeyskiisa, taasina waxay sidoo kale ahayd sabab uusan u ciyaarin kulankii hore.
“Toddobaadkan waxa uu qaatay tababar fiican waxana uu ka qayb noqon karaa kooxda”.
Be the first to comment