Dhirbaaxo:Arsenal Oo Xaqiijisay Xiddig Kooxdeeda Muddo Dheer Dhaawac Uga Maqnaan Doona.

Arsenal ayaa xaqiijisay in William Saliba uu garoomada ka maqnaan doono muddo dheer dhaawac dhabarka ah awgiis.

Kooxda Arsenal ayaa si rasmi ah u xaqiijisay in daafaca reer France ee William Saliba uu maqnaan doono muddo dheer kadib markii laga helay dhaawac dhabarka ah.

War-saxaafadeedka kooxda ayaa lagu sheegay in Saliba aan loo baahnayn qalliin, balse uu geli doono barnaamij dib-u-soo-kabasho oo si taxaddar leh loo maamulayo.

Saliba ayaa la beddelay daqiiqaddii 30-aad ee ciyaartii nus-dhamaadka Koobka Adduunka, taas oo ay France guuldarro kala kulantay Spain.

Qoraalka Arsenal ayaa u dhignaa sidan:

“William Saliba ayaa dib noogu soo laabtay kadib waajibaadkiisii Koobka Adduunka, halkaas oo uu door muhiim ah ka qaatay in xulka France uu gaaro wareegga afar dhammaadka tartanka.

“Baaritaanno gaar ah oo lagu sameeyay William kadib markii uu toddobaadkan ku soo laabtay London ayaa xaqiijiyay inuu qabo dhaawac dhabarka ah, kaas oo u baahan muddo dib-u-soo-kabasho ah.

“Qiimeyn ballaaran kadib waxaa la go’aamiyay in qalliin aan loo baahnayn, balse William wuxuu hadda bilaabi doonaa barnaamij soo kabasho oo si taxaddar leh loo maamulayo.

“Dib-u-soo-kabashadiisa waxay bilaaban doontaa isla markiiba, iyadoo si joogto ah loola socon doono xaaladdiisa dhaawaca, waxaana la filayaa inuu garoomada ka maqnaado muddo dheer.

“Qof kasta oo kooxda ka tirsan wuxuu si buuxda diiradda u saaray taageeridda William si uu ugu soo laabto taam ahaanshihiisa buuxda sida ugu dhaqsaha badan.”