Supercomputer ayaa saadaaliyay in Manchester City ay ku guuleysan doonto horyaalka Premier League iyadoo hal dhibic oo keliya kaga sarreyn doonta Arsenal—taas oo timid saacado yar kadib markii Arsenal guuldarro la kulantay, taasoo albaabka u furtay tartamayaashooda.
Halkii ay taas samayn lahaayeen, waxaa si lama filaan ah uga adkaaday Bournemouth, taasoo u noqotay guuldarradii shanaad ee xilli ciyaareedka.
Dhanka kale, Manchester City waxay si dhow ula socdeen xaaladda, iyadoo rajadooda ah inay ku guuleystaan horyaalka shanaad lix sano gudahood ay si weyn u kordhay.
Hadda saadaalinta ayaa tilmaamaya in horyaalka uu ku dambayn doono Manchester.
Taas waxay dharbaaxo weyn ku noqon doontaa Mikel Arteta, kaasoo saddexdii sano ee la soo dhaafay ku dhamaystay kaalinta labaad.
Sanadihii 2023 iyo 2024, Arsenal waxay hoggaanka haysay ilaa dhammaadka xilli ciyaareedka, balse ugu dambeyn way siibtay iyadoo City ay ka dul martay.
Kooxda Pep Guardiola ayaa la saadaaliyay inay ku dhammaan doonto 81 dhibcood—hal dhibic oo keliya kaga sarreysa Arsenal.
Waxa la yaab leh, supercomputer-ku ma aaminsana in City ay ka adkaan doonto Arsenal usbuuca soo socda, balse wuxuu saadaaliyay in Arsenal ay barbaro geli doonto afar ka mid ah lixda kulan ee ugu dambeeya.
Be the first to comment