Tababaraha Mikel Arteta ee Arsenal, ayaa ka cabanaya in kooxdiisu ay ku guuldarreysatay la tacaalidda kubbadaha dhaadheer, kaddib markii ay 2-1 kaga adkaatay Southampton kulankii quarter-finalka ee FA Cup Sabtidii.
Kooxda Gunners ayaa laga saaray tartan labaad muddo saddex toddobaad gudahood ah, ciyaar ka dhacday garoonka St Mary’s Stadium.
Ross Stewart ayaa hoggaanka u dhiibay Southampton, halka Viktor Gyokeres uu barbaro u keenay Arsenal. Laakiin Shea Charles ayaa goolka guusha dhaliyay shan daqiiqo ka hor dhammaadka ciyaarta.
Arteta ayaa u sheegay BBC Sport:
“Waa inaan hambalyeynaa Southampton. Iyagu waxay tageen Wembley, annaguna ma aanan gaarin”
“Kubadaha dhaadheer si fiican uma maareynin. Waxaan si fudud u oggolaanay kubbadda inay naga gudubto. Way adag tahay in la sharxo, laakiin sharaf ayaa u mudan iyaga.”
Isagoo ka hadlayay laba guuldarro oo isku xigta, Arteta wuxuu yiri:
“Xilli ciyaareedka waxaad maraysaa waqtiyo kala duwan, qaar ka mid ahna way adag yihiin sababo kala duwan awgood”
“Hadda waxaan la kulannay laba natiijo oo aad u niyad-jab leh, waana inaan is soo kabsannaa”
“Hadda waa inaan muujinnaa waxa aan ka sameysannahay, taasna waxaa lagu sameeyaa garoonka dhexdiisa, ma ahan halkan.”
Be the first to comment