ESPN ayaa ku dhawaaqday in isku aadka Koobka Adduunka 2026 lagu qaban doono Las Vegas 5 December iyada oo FIFA isku diyaarinayso qaybta taariikhiga ah ee koobka adduunka.
Koobka Adduunka sanadka 2026 ayaa noqon doona mid cusub iyada oo ay ka qayb gali doonaan 48 xul markii ugu horaysay.
Waxa intaas dheer in ay dal oo kala duwan marti galin doonaan tartanka kuwaas oo kala ah Maraykanka, Canada Iyo Mexico.
Doorashada Las Vegas oo ah goobta isku aadka ayaa ka tarjumaysa rabitaanka FIFA ee ah in kubbadda cagta lagu daro waxyaabo madadaalo ah iyo muuqaalo warbaahineed, iyadoo munaasabadda la filayo in ay hesho tebin ballaaran oo warbaahin ah iyo baahin toos ah oo caalami ah, oo u dhiganta miisaanka tartanka.
Warbixin ay soo saartay shabakadu, Pedro Cedillo, oo ah qabanqaabiyaha tartanka ee Mexico, ayaa xaqiijiyay in isku aadka rasmiga ah lagu qaban doono Las Vegas 5-ta December ama horraanta bishaas, isaga oo sharxaya in ay socoto qabanqaabada xaflad ballaaran.
Be the first to comment