
France Football, oo ah qabanqaabiyayaasha abaal marinta shaqsiga ah ee caanka ah, Ballon d’Or, ayaa ku dhawaaqay maalinta la soo bandhigi doono musharaxiinta u sharaxan abaal marinta 2025-ka.
Hay’adda ayaa warkan ku shaacisay akoonkooda rasmiga ah ee X, iyagoo sheegay in liiska la magacaabay la soo bandhigi doono 7-da August.
Liiskan ayaa sida caadiga ah ka kooban 30 ciyaartoy, kuwaas oo laga soo xulan doono 3-da xiddig ee ugu sareeya 22 bisha September ee soo socota.
Sannadkii hore, Rodri, xiddiga Manchester City, ayaa abaal-marintan la guddoonsiiyey isagoo ka hormaray weeraryahanka Real Madrid Vinicius Jr.
Si kastaba ha ahaatee, xiddiga heerka caalami ee dalka Spain ayaa laga yaabaa inuusan ka mid noqon 30-ka xiddig ee u tartamaya abaalmarinta sanadkan.
Ciyaartoyda PSG iyo Barcelona ayay u badan tahay in ay ku guulaystaan abaalmarinta.
Be the first to comment