Unai Emery ayaa sheegay in Ollie Watkins uu ku faraxsan yahay in uu sii joogo Aston Villa uuna ku biiri doonin kooxda ay xafiiltamaan Premier League ee Arsenal bishan January.
Horaantii todobaadkan, Arsenal ayaa dalab qaali ah ka gudbisay weeraryahanka England Watkins si ay dib ugu soo nooleeyaan weerarkooda.
Dalab 60ka milyan ah ayay Aston Villa isla markiiba diiday iyada oo Gunners dalab cusub ka gudbinayso saxiixa xiddigaha maalmaha soo socda.
Wararka ayaa soo jeedinaya in 29-sano jirkaan uu ‘u furan yahay’ fikradda ah u dhaqaaqida Emirates, iyadoo Villa badalkiisa u doonayso iddiga Chelsea ee Joao Felix.
Laakiin isaga oo ka hadlaya shirkiisa jaraa’id ee ka hor kulanka sabtida ee Wolves, Emery waxa uu ku adkaystay in Watkins aanu sii joogi doono kooxda.
“Haa, wuu ku faraxsan yahay inuu sii joogo. Waxaan waydiinay sida uu dareemayo maalin kasta iyo sannad kasta oo uu halkan joogo Villa wuuna ku faraxsan yahay halkan”ayuu yidhi Emery.
Be the first to comment