Tababaraha Real Madrid ee Carlo Ancelotti, ayaa ballan qaaday in ay kooxdiisu joogi doonto final-ka champions League xilli ciyaareedkan.
Ancelotti, oo ku jira waagiisii labaad ee Real Madrid, ayaa kula guuleystay 14 koob 310 kulan oo uu hogaamiyay kooxda waxana ka mid ah seddex koob oo Champions League ah.
Real Madrid ayaa ahayd kooxda heysata koobka Champions League xilli ciyaareedkii 2023-24, laakiin guuldaradii 2-0 ee Arbacadii ka soo gaartay Liverpool ayaa shaki gelisay rajadooda difaacashada horyaalka.
Real Madrid ayaa haatan ku jirta kaalinta 24-aad ee kala saraynta horyaalka champions League iyada oo 3 guuldaro la kulantay 5-tii kulan ee ay ciyaareen ilaa haatan tartanka waxana ay halis ugu jirtaa in ay u soo bixi waydo wareega 16-ka.
Iyadoo ay jiraan dhibaatooyinkaas, Ancelotti ayaa si geesinimo leh u sheegay in ay kooxdiisu aadi doonto final-ka tartanka champions League xilli ciyaareedkan
“Xusuusnow, Real Madrid waxay ka qaybgeli doontaa finalka Champions League ee Munich, waan joogi doonaa,” ayuu u sheegay raadiyaha Spain ee El Larguero.
Be the first to comment