Arbacadii, 30 musharax oo u sharaxan abaal marinta Ballon d’Or 2024 ayaa la magacaabay, waxaana ay magacaabistaas abuurtay muran badan.
Waxa jira wax ka badan 30 xiddig oo qaab ciyaareed cajiib ah soo bandhigay xilli ciyaareedkii hore kuwaas oo laga dhex waayay Liiska.
Waxa jira xiddigo badan oo si lama filaan ah looga dhexwaayay xiddigaha u tartami doona abaalmarinta xiddiga ugu fiican adduunka.
Xiddigaha Mohamed Salah, Kevin De Bruyne, Musiala iyo Griezman ayaa ka mid ah xiddigaha laga dhexwaayay Xiddigaha u tartamaya.
Sidoo kale waxa ka maqan Liiska xiddiga kooxda Real Madrid ee Rodrygo kaas oo door weyn ka qaatay in ay Real ku guulaysato champions league.
Be the first to comment