Kooxda Liverpool ayaa ku soo laabatay wadada guulaha iyaga oo garaacay Fulham kulan ka tirsanaa horyaalka premier League.
Liverpool ayaa si dar-dar leh ku bilaabatay ciyaarta iyaga oo doonayay in ay dhaliyaan goolal wakhti hore ah.
Daqiiqadii 32-aad ayay Liverpool dhalisay goolka 1-aad waxana laad xor ah u dhaliyay xiddiga Trent Alexander-Arnold kaas oo ciyaarta ka dhigay 1/0.
Fulham ayaa daqiiqadii 45-aad ku soo laabatay ciyaarta waxana bar-baraha u dhaliyay xiddiga Timoty Castagne kaas oo ciyaarta ka dhigay 1/1.
Waxa sidaas ku dhamaatay bar-baro qaybta hore iyada oo ay labada kooxood ku kala bexeen bar-baro.
Qaybta dambe ayay Liverpool si dar-dar leh ku bilaabatay iyaga oo doonayay in ay mar kale ciyaarta ku soo laabtaan.
Daqiiqadii 53-aad ayay Liverpool dhalisay goolka 2-aad waxana u dhaliyay xiddiga Ryan Gravenberch kaas oo ciyaarta ka dhigay 2/1.
Kooxda Liverpool ayaan halkaas ku joogsan waxana daqiiqadii 72-aad Liverpool goolka u dhaliyay xiddiga Diogo Jota kaas oo ciyaarta ka dhigay 3/1 ay Liverpool ku hogaaminayso ciyaarta.
Waxa sidaas ku dhamaatay ciyaarta oo ay Liverpool guul muhiim ah ka gaadhay kulanka kuna soo laabatay wadada guulaha.
Be the first to comment