Tababaraha kooxda Chelsea Mauricio Pochettino ayaa difaacay ciyaartoydiisa kadib barbarihii 2-2 ay la galeen kooxda Brentford.
Daqiiqadii 83-aad ayay chelsea dhalisay goolka bar-baraha waxana u dhaliyay xiddiga daafaca ka ciyaara ee Axel Disasi.
Pochettino ayaa yiri: “45-daqiiqo aad ayaan u fiicneyn, waxaan xakameynay ciyaarta, waxan doonaynay in aan sii wadno cadaadiska, waxay kordhiyeen heerkooda, ma aanan aheyn kuwa si joogto ah ugu ciyaaraya kulanka waxaana u baahanahay inaan si fiican u difaacno”.
“Markii nalaga dhaliyay gool ayay ciyaarta wax ka bedeshay, waxaan ahayn kooxdii ugu fiicnayd laakiin waxaan u baahanahay in aan gool dhalino waqtiyada muhiimka ah, in aan nasiib yeelano oo aan si fiican u difaacno”.
“Lix maalmood ka dib waxa aan ciyaarnay 3 kulan oo adag waxaan u maleynayaa in dadaalka uu ahaa mid weyn.”
Waxa uu sidoo kale yiri: “Kadib Wolves, kaliya waxaan ku guuldareysanay finalka, ka dibna waxaan garaacnay Aston Villa, Palace, Leeds, bar-baro ayaan sameynay maanta, waxaan luminay waqtigii dheeriga ahaa [finalka]. “Waxaan heysanaa labo maalmood oo aan ku soo kabsaneyno ka dibna aan u diyaarino kulanka Newcastle”.
Be the first to comment