Kooxda Real Madrid ayaa badisay kulankeedii ugu horeeyay ee horyaalka La Liga iyaga oo garaacay kooxda Valladolid.
Los Blancos ayaa ahayd kooxda fiican kana awood badan kooxda ay la ciyaarayso.
Laakiin Real ayay ku adkaatay in ay dhaafto daafac adag oo ay dhigatay Valladolid qaybtii hore ee ciyaarta.
Qaybtii dambe ayay Real Madrid sii waday dadaalada iyo weerarada waxana ay doonayeen in ay wax ka badalaan natiijada.
Daqiiqadii 50-aad ayay Real dhalisay goolka 1-aad waxana u dhaliyay Vede Valverde kaas oo hogaanka u dhiibay kooxdiisa.
Xiddiga Brahim Diaz ayaa daqiiqadii 88-aad dhaliyay goolka 2-aad ee kooxdiisa waxana uu ciyaarta ka dhigay 2/0.
Xiddiga Endrick ayaa soo afjaray goolasha waxana uu dhaliyay goolka daqiiqadii 90-aad isaga oo kooxdiisa ku hogaamiyay guushii ugu horaysay.
Be the first to comment