Xulka Germany ayaa si lama filaan ah uga hartay 2026 FIFA World Cup, kadib markii Paraguay rikoodhayaal uga badisay , iyadoo ciyaartu ku dhammaatay 1-1.
Julio Enciso ayaa Paraguay hoggaanka u dhiibay ka hor dhammaadka qeybtii hore, halka Kai Havertz uu barbaraha u dhaliyay Germany daqiiqaddii 54-aad.
Waqtiga dheeriga ah, Jonathan Tah ayaa madax ku dhaliyay gool ay Germany u maleysay inuu yahay kii guusha. Si kastaba ha ahaatee, kaddib faragelinta VAR, garsooraha ayaa goolka diiday, isagoo sheegay in Waldemar Anton uu qalad ku galay goolhayaha Paraguay, Orlando Gill.
Go’aankaas ayaa dhaliyay dood weyn, iyadoo dad badan ay u arkeen in xiriirka labada ciyaaryahan uu ahaa mid fudud oo aan ku filnayn in goolka la baabi’iyo.
Tababarihii hore ee Liverpool F.C., Jürgen Klopp, ayaa si kulul u dhaliilay go’aanka, isagoo yiri:
“Haddii goolkan sharci-darro yahay, markaa Arsenal kuma guulaysan horyaalka. Qiyaastii 60% goolasha Arsenal sidan ayay ku dhashaan.”
Wuxuu intaas ku daray:
“Markii kubaddu shabaqa gashay waxaan u malaynaynay inaan guuleysanay. Sidaas darteed tani runtii waa mid aad u xanuun badan.”
Be the first to comment