Wakiilka Enzo Fernández, Javier Matías Pastore, ayaa xaqiijiyay in Enzo Fernández uu doonayo inuu ka tago Chelsea, isagoo sidaas u sheegay wargeyska Isbaanishka ee Marca.
Enzo ayaa lala xidhiidhinayay in uu ka tagayo kooxda chelsea iyada oo Real Madrid iyo Man City xiiso u qabaan saxiixiisa.
“Maanta Enzo wuxuu si deggan diiradda u saarayaa xulka qaranka. Wuxuu ka ciyaarayaa Koobka Adduunka, wuxuuna aad ugu dhow yahay inuu u gudbo wareegga 16-ka. Waxa keliya ee maskaxdiisa ku jira waa arrintaas”
“Annaguna waxaan eegaynaa fursadaha uu uga tagi karo Chelsea F.C., laakiin ilaa hadda ma jiro wax heshiis rasmi ah ama la xaqiijiyey oo uu la galay koox kale”
“Wuxuu saaxiibo badan ku leeyahay Madrid, gaar ahaan saaxiibkiis dhow Julián Álvarez. Marka ay helaan waqti firaaqo ah, inta badan halkaas ayay wada qaataan”
“Aniguna waxaan deggenahay Madrid. Mar kasta oo Enzo halkaas yimaado, wuxuu ii yimaadaa inuu ila kulmo oo aan ka wada hadalno arrimaha shaqada. Intaas ka sokow, yaa aan jeclayn Madrid? Anigu xitaa kama aanan ciyaarin Madrid, haddana waan ku noolahay.”
Be the first to comment