Slot Oo Ka Hadlay Guushii Brighton, Muxuuse Ka Yidhi Salah.

Tababaraha Liverpool Arne Slot ayaa ka soo muuqday war-saxaafadeed kaddib guushii 2-0 ee ay ka gaareen Brighton, kulankii wareegga 16-aad ee Premier League, oo ka dhacay garoonka Anfield.

Tababaraha ayaa yiri:

“Waxaan sameynay dadaal weyn. Guushan si aan u gaarno waa inaan si adag u shaqeynay, sababtoo ah waxaan wajahnay koox aad u xooggan oo dagaalameysay illaa daqiiqaddii ugu dambeysay. Markii ugu horreysay toddobaadyo gudahood, waxaan dareemayaa inaan nasiib yar leenahay maanta. Waxaan ilaashanay shabaqa, halka kulammo kale aan ku dhalanay saddex gool iyadoo kooxda naga soo horjeedday aysan helin fursado badan.”

Wuxuu intaa ku daray:

“Qeybtii labaad, xilliyadii ay heleen fursadaha, markaan si isku dhow u difaacaneynay gudaha iyo agagaarka xeradayada ganaaxa, annaguna waxaan helnay fursado weerarro rogaal-celis ah. Aad ayaan ula dhacay sida aan u ciyaarnay. Waxaa laga yaabaa inaan nasiibkan u qalannay, marka la eego maskaxda iyo niyadda aan muujinnay, dhaawacyada iyo arrimo kale.”

Isagoo ka hadlay Hugo Ekitike, wuxuu yiri:

“Waxaan u maleynayaa inuu ahaa mid cajiib ah waqtiyo badan maanta. Goolasha uu dhaliyay waxay ahaayeen kuwo qurux badan, sidoo kale waxaa jiray waqtiyo kale oo aan iri: ‘Waa ciyaaryahan heer sare ah!’ Tani waa sababta aan u doonaynay inaan la saxiixanno, marka laga soo tago goolasha. Waa wax lagu farxo in la arko isaga iyo ciyaartoyda kale ee xagaaga nala soo biiray oo horumar sameynaya.”

Wuxuu sii hadlay isagoo ka hadlaya Florian Wirtz, isagoo yiri:

“Qaabka uu kubadda u maamulo, kalsoonida uu ku ciyaarayo. Waxaan aaminsanahay inuu yahay mid ka mid ah ciyaartoyda aan si joogto ah u arkayo waxqabadkooda oo soo hagaagaya. Wuxuu noqonayaa mid ka xoog badan oo firfircoon. Dhammaan dadaalkii ay ciyaartoydu sameeyeen bilihii la soo dhaafay hadda wuu miro dhalayaa.”

Wuxuu intaas ku daray:

“Ka dib kulamadan oo dhan, waxaan heli doonnaa toddobaad nasasho ah si aan u soo ceshanno xooggeenna. Sidoo kale waxaa jiri doona waqti tababar.”

Isagoo ka hadlay Mohamed Salah, wuxuu ku soo gabagabeeyay:

“Waxaan aaminsanahay inuu ahaa khatar joogto ah. Taabashadiisii ugu horreysay ee kubadda wuxuu ku dhowaaday inuu gool u sameeyo McAllister. Aad bay ii farxad gelisay inaan arko, mana ahayn wax la yaab leh. Ku daristiisa kooxda waxay ahayd go’aan fudud. Marar badan ayaan sheegay in wixii dhexdeenna dhacay ay naga dhexeyn doonaan. Waxaan u baahnaynay isaga, wuxuuna ka qeyb qaatay goolkii labaad, taasoo noo ah wax wanaagsan. Xilli ciyaareedkan waxaan la kulannay dhibaatooyin badan oo la xiriira kubbadaha go’an (set pieces). Wuxuu ka qeyb geli doonaa Koobka Qaramada Afrika, taas oo la micno ah in ciyaaryahan kale naga maqnaan doono. Arrintan waan ogayn ka hor bilowga xilli ciyaareedka. Waxaan rajeynaynaa in hal ama laba ciyaaryahan ay ka soo kabtaan dhaawacyada.”