Tababaraha Chelsea, Enzo Maresca, ayaa warbixin ka bixiyay xaaladda caafimaad ee Cole Palmer ka hor kulanka derbiga galbeedka London ee Sabtida ay la ciyaarayaan Fulham garoonka Stamford Bridge.
Palmer ayaa ku dhaawacmay inta lagu jiray kululaynta kahor guushii 5-1 ee ay ka gaareen West Ham Jimcihii hore.
Laacibka khadka dhexe ee England wuxuu seegi doonaa ciyaarta si la mid ah xiddigaha Benoit Badiashile iyo Romeo Lavia.
Maresca ayaa u sheegay wariyeyaasha: “Cole [Palmer] wuu maqan yahay, Benoit [Badiashile] wuu maqan yahay, Romeo [Lavia] sidoo kale wuu maqan yahay. Inta kale waa diyaar.
“Waxaan u baahanahay inaan maalinba maalinta ka dambeysa eegno xaaladdooda — Palmer, Romeo iyo Benoit. Ma filayo inay soo laaban doonaan marka uu dhammaado fasaxa xulalka, laakiin markaas way u dhowaandoonaan soo laabashada.
“Waxaan la hadlay Thomas [Tuchel], laakiin ugu dambeyn waa go’aankiisa, isagaa go’aansaday [in uusan xulan]. Berrito diyaar ma ahan, markaa waa caadi [in uusan England la safan] sababtoo ah wuxuu leeyahay dhibaatooyin.”
Be the first to comment