Weeraryahanka Sporting Lisbon Viktor Gyokeres ayaa iska diiday fursad uu ugu dhaqaaqi lahaa Manchester United xagaagan.
Sida laga soo xigtay majaladda Portuguese-ka ah ee Record, wakiilka Gyokeres, Hasan Cetinkaya, ayaa u sheegay Red Devils in aanu xiddigu doonayn in uu la midoobo Ruben Amorim kuna biiro kooxda Man United.
Ciyaaryahanka heerka caalami ee dalka Sweden ayaa waxaa tababare u ahaa Amorim waqtigii uu macalinka u ahaa Sporting Lisbon.
27 jirkaan ayaa 54 gool u dhaliyay 52 kulan oo uu u ciyaaray Sporting xilli ciyaareedkii hore.
Kooxda ay xifaaltamaan ee Man United ee Arsenal ayaa sidoo kale lagu soo waramayaa in ay xiiso u qabto saxiixa Gyokeres xagaagan.
Be the first to comment