Ancelotti Oo Magacaabay Kooxda Uu Doonayo In aanay Kooxdiisu Ku Aadin Champions League

Tababaraha Real Madrid Carlo Ancelotti ayaa sharaxay inuusan jecleyn inuu wajaho Manchester City tartanka Champions League.

Labada kooxood ayaa u soo baxay wareegga 16-ka ee isreeb-reebka tartanka Champions League, ka dib markii la soo gabagabeeyay kulamadii heerka horyaalka ee fiidnimadii Arbacada.

Real Madrid ayaa 3-0 ku garaacday Brest, Manchester City ayaana 3-1 kaga badisay Club Brugge.

Kulamada Play Off-ka ayaa laga yaabaa in ay isku dhacaan kooxaha Real Madrid iyo Manchester City, waxaana kooxdii badisa ay u soo bixi doontaa wareega 16-ka.

Real Madrid ayaa laga yaabaa inay wajahdo midkood Manchester City ama Celtic, halka kooxda Ingariiska ay wajihi doonto dhigeeda Spain ama Jarmalka Bayern Munich.

Ancelotti Oo arintaas ka hadlaya ayaa yidhi””Kulamo aad u badan, kulamo badan ayaa la ciyaaray; kulamada waa in la dhimo, ee aan lagu darin kulamo badan.”.

Waxa uu hadalkiisa raaciyay: “Waa in aan sugno ilaa isku aadka, aragti ahaan, hadii aan ku Aadno man City arintu way adkaan doontaa”.

“si aad ugu guulaysato Champions League, waa inaad ka badisaa kooxaha ugu waaweyn”.

Be the first to comment

Dhiibo Fikirkaaga