Manchester City ayaa dooneysa inay dib ula soo saxiixato Ilkay Gundogan iyadoo ay jirto hubaal la’aan mustaqbalkiisa Barcelona, sida ay wararku sheegayaan.
Gundogan ayaa markii ugu horeysay lala xiriiriyay inuu ka tagayo iyada oo warbaahinta Spain sheegayso in uu xiddigu dalbaday in la fasaxo suuqa xagaagan sabab la xidhiidha khilaaf soo kala dhex galay.
Ciyaaryahanka khadka dhexe ayaa kaliya xagaagii hore ugu biiray beeca xorta ah markii uu dhacay qandaraaskiisa City, The Athletic ayaana qortay in kooxda heysata horyaalka Premier League ay dooneyso inuu dib u soo celiyo.
City kali kuma ahan tartanka si kastaba ha ahaatee, iyadoo kooxaha Ingariiska ay xiiseynayaan Gundogan. Kooxaha Turkiga, Qatar iyo Sacuudiga ayaa sidoo kale eegaya heshiiska.
Ka hor intii uuna ku biirin Barcelona, Arsenal ayaa isku dayday in ay la soo saxiixato xiddiga khadka dhexe.
Be the first to comment