Ronald Koeman ayaa sheegay inuu jeclaan lahaa inuu xulkiisa Netherlands la ciyaaro Spain halkii ay la ciyaari lahaayeen France Final-ka Euro 2024.
Netherlands ayaa 2/1 ku garaacday Turkey 8 dhamaadkii Euro 2024 waxana ay la ciyaari doonaan xulka England Wareega Semi-final-ka.
Semi-final-ka kale ee Euro 2024 waxa wada ciyaari doona xulalka Spain iyo France iyada oo midkood gaadhi doono final-ka tartanka.
Netherlands ayaa la ciyaartay France wareegii Group-yada iyaga oo ku kala baxay bar-baro 0/0 Koeman ayaana qirtay in uu jecelyahay in uu la ciyaaro xulka Spain hadii uu xulkiisu gaadho Final-ka.
“Waan ku faraxsanahay in aan gaadhno Semi-final-ka euro 2024 lana mid noqono xulalka England, France iyo Spain”ayuu yidhi.
“Hadii aan gaadhno Final-ka Euro 2024, aniga ahaan waxa aan doorbidayaa in aan la ciyaarno Spain sababta oo ah France waxa aan wada ciyaarnay Wareegii Group”.
Be the first to comment