Man United ayaa guuldaro ku bilaabatay kulamada isku diyaarinta kulamada xilli ciyaareedka cusub.
Man United ayaa la ciyaartay kooxda reer Norway ee Rosenborg BK kulan ka tirsanaa isku diyaarinta United ee xilli ciyaareedka cusub.
Erik Ten Hag ayaa shaxda ku soo galay xiddigo isku dhex dar ah iyada oo ay ku bilowdeen shaxda xiddigo kooxda 1-aad ah iyo waliba xiddigo da’yar ah.
Xiddigaha Rashford, Casemiro, Evans ayaa ka mid ahaa xiddigaha kooxda 1-aad ee ku bilowday shaxda Man United.
Ciyaarta ayaa ahayd mid adag iyada oo United si joogto ah fursado u samaynayso.
Qaybta hore ee ciyaarta ayay labada kooxood ku kala bexeen bar-baro gool la’aan ah.
Man United ayaa qaybtii dambe is badal weyn samaysay iyada oo Erik Ten guud ahaan badalay kooxda qaybta dambe.
Daqiiqadii90+3-aad ayaa Man United laga dhaliyay goolka waxana ka dhaliyay Noah Emanuel kaas oo ciyaarta ka dhigay 1/0.
Waxa sidaas ku dhamaatay ciyaarta oo ay Man United la kulantay guuldaro lama filaan ah kulamada isku diyaarinta xilli ciyaareedka cusub.
Be the first to comment