Liverpool ayaa u dhaqaaqday saxiixa xiddiga khadka dhexe ee kooxda FC Porto Alan Varela suuqa kala iibsiga ciyaartoyda, kaasoo heshiiskiisa lagu bur-burin karo lacag dhan 60 milyan Oo euro.
Tababaraha reer Holland Arne Slot ayaa eegi doona inuu dib u dhiso khadka dhexe ee Liverpool waxan uu doonayaa xiddiga reer Argentina.
Liverpool ayaa sugaysa waa cusub oo uu ku dhamaanayo sagaalkii sano ee Jurgen Klopp usbuucii hore, Slot wuxuu doonayaa inuu ku bilaabo fikradihiisa.
Sida laga soo xigtay saxafiga reer Argentine ee Leo Pardiso, Reds ayaa xiiseyneysa saxiixa ciyaaryahanka khadka dhexe ee Porto Alan Varela, waxaana ay wax ka weydiiyeen helitaankiisa kooxda reer Portugal.
Si kastaba ha ahaatee, Liverpool ayaa tartan adag kala kulmi karta kooxo badan oo Yurub ah, iyadoo kooxaha Bayern Munich iyo Manchester City ay sidoo kale lala xiriirinayo xiddiga reer Argentina.
Be the first to comment