Man United ayaa soo bandhigtay saxiixa xiddiga Joshua Zirkzee kaas oo kaga soo biiray kooxda Bologna.
Xiddiga Joshua Zirkzee ayaa ka hadlay dareenkiisa ku aadan ku biirista kooxda Man United.
Zirkzee ayaa yiri: “Markii aan wada hadal la yeeshay maamulaha iyo hogaamiyayaasha kooxda, waan ogahay sida xiisaha leh ee mustaqbalka uu halkan u ahaan doono, mana sugi karo inaan doorkayga ka ciyaaro guulaha Man United”.
“Waxaan ahay ciyaaryahan mar walba u heellan wax walba inuu ku guuleysto, waxaan diyaar u ahay loolankan soo socda, inaan heer kale ka gaaro xirfadeyda oo aan ku guuleysto koobab badan”.
“Waa sharaf in aan ku biiro koox sidan oo kale u weyn, Waxa aan qaadan doonaa nasasho yar kadib markii aan xulka kala qayb galay euro 2024 laakiin waan soo laaban doonaa si aan u ciyaaro”.
Be the first to comment