Xabi Alonso Oo Doortay Kabtankiisa Ka Hor Bilaabashada Xilli Ciyaareedka Cusub.

Tababaraha cusub ee Chelsea, Xabi Alonso, ayaa xaqiijiyay in Reece James uu sii ahaan doono kabtanka kooxda xilli ciyaareedka cusub.

Alonso ayaa si rasmi ah ula wareegay shaqadiisa Chelsea, iyadoo kooxda ay toddobaadkan billowday diyaar-garowga xilli ciyaareedka cusub. Si kastaba ha ahaatee, wuxuu hadda la shaqeynayaa koox ciyaartoy ah oo kooban, maadaama qaar badan oo ka mid ah xiddigaha kooxda ay weli ku jiraan Koobka Adduunka.

Reece James iyo Enzo Fernández ayaa habeenka Arbacada ku kulmi doona semi-finalka Koobka Adduunka, marka ay England wajahdo Argentina, iyagoo kala matalaya dalalkooda.

Alonso ayaa sheegay in marka James uu kusoo laabto Chelsea uu dib u xiran doono calaamadda kabtannimada, isagoo muujiyay kalsoonida buuxda ee uu ku qabo hoggaamintiisa.

Isagoo ka hadlayay James oo 27 jir ah, Alonso wuxuu yiri: “Wuxuu qaban karaa wax walba. Wuxuu weerari karaa gudaha iyo bannaanka, si fiican ayuu kubbadaha u gudbiyaa, kubbadaha taagan ayuu ku wanaagsan yahay, wuxuuna leeyahay DNA-ga Chelsea, taas oo aad muhiim u ah. Ruuxdaas ayaan u gudbin doonnaa kooxda oo dhan iyo ciyaartoyda cusub. Isaga ayaa noqon doona kabtanka.”