Manchester United ayaa guul darro 3-2 ah ka soo gaartay Nottingham Forest Sabtidii, iyadoo kabtan Bruno Fernandes uu ka baxay garoonka xilli Red Devils raadinaysay in ay ciyaarta ku soo laabato.
Kooxda Red Devils ayaa la kulantay guuldaradii 2-aad oo xidhiidh ah premier League tan ilaa markii Amorim loo magacaabay xilka kooxda.
Tababare Amorim ayaa badalay kabtankiisa Bruno Fernandes iyada oo kooxdiisu raadinayso in ay ciyaarta ku soo laabato.
“Waan fahamsanahay in Bruno uu khatar ku yahay sanduuqa,” Amorim ayaa yidhi markii la waydiiyay inuu sharaxo go’aankiisa.
“Waxa uu dhalin karay goolal kale laakiin waxa uu u muuqday mid aad u daalan, waan dhaafi karay in uu Bruno sii joogo garoonka laakiin waxa aan dareemay in uu Mason Mount naga caawin karo kubadaha karooska ah”.
Be the first to comment