Guddiga Farsamada Garsoorayaasha Spain ayaa faahfaahin ka bixiyay laba dhacdo oo muran dhaliyay kulankii Barcelona iyo Real Madrid, kaas oo kooxda reer Madrid ay 2-1 ku badisay.
Dhacdadii koowaad waxay ahayd kubad gacanta kaga dhacday Alejandro Balde gudaha xerada ganaaxa Barcelona. Guddigu wuxuu sheegay in garsooruhu sax ku ahaa inuusan rigoore dhigin, maadaama gacanta ciyaaryahanku ay ku jirtay meel dabiici ah.
Dhacdada labaad waxay la xiriirtay João Cancelo oo cagta kaga istaagay lugta ciyaaryahanka Real Madrid, Yan Diomande. Guddigu wuxuu sheegay in Cancelo ay ahayd in la siiyo kaarka jaalaha ah, balse aan falkaasi u qalmin kaarka cas.
Real Madrid ayaa hore u dalbatay in Cancelo laga saaro ciyaarta, balse qiimeynta guddiga garsoorayaasha ayaa muujisay in kaarka jaalaha ahi uu ahaa ciqaabta ku habboon dhacdadaas.