Kooxda Man United ayaa sii wada kulamada isku diyaarinta xilli ciyaareedka cusub iyada oo la ciyaartay kooxda Rangers.
United ayaa shaxda ku bilowday saxiixdooda cusub ee Leny Yoro kaas oo ciyaaray daqiiqadihii ugu horeeyay ee funaanada Man United.
Shaxda waxa ku bilowday xiddigo badan oo kooxda 1-aad ah kana mid yihiin Sancho, Mount, Casemiro iyo waliba Onana.
Man United ayaa daqiiqadii 39-aad dhalisay goolka 1-aad ee ciyaarta waxana u dhaliyay xiddiga Amad Diallo kaas oo hogaanka u dhiibay kooxdiisa.
Red Devils ayaa heshay fursado badan oo uu ku dhalin karay goolal waxana ay sameeyeen fursado fiican.
Daqiiqadii 70-aad ee qaybtii dambe ee ciyaarta ayay Man United dhalisay goolka 2-aad waxana u dhaliyay xiddiga Joe Hugill kaas oo ciyaarta ka dhigay 2/0.
Waxa sidaas ku dhamaatay ciyaarta oo ay Man United gaadhay guul kulankoodii 2-aad ee isku diyaarinta xilli ciyaareedka cusub.
Be the first to comment