Xiddig U Ciyaara Liverpool Oo Loo Sheegay In Uu Haysto Wakhti Uu Ku Badbaadiyo Mustaqbalkiisa Liverpool.

Didi Hamann wuxuu aaminsan yahay in mid ka mid ah ciyaaryahannadii uu Arne Slot xagaagii soo iibsaday uu haatanba u dagaalamaya in uu badbaadiyo mustaqbalkiisa Liverpool inkastoo uusan weli lix bilood joogin kooxda.

Slot wuxuu sameeyay kharash badan suuqa kala iibsiga xagaagii hore, iyadoo kooxda difaacanaysa horyaalka ay suuqa galisay lacag dhan 400 milyan oo euro.

Si kastaba ha ahaatee, ciyaartooydii cusub ma aysan keenin natiijadii la rabay, waxaana Liverpool ku guuldarreysatay 9 ka mid ah 12-kii ciyaarood ee ugu dambeeyay tartamada oo dhan.

Guuldarrooyinkan oo ah kuwa ugu xun tan iyo 1950-meeyadii ayaa Liverpool u ridey bartamaha hoose ee jadwalka Premier League, iyadoo hadda ka dambaysa Arsenal 11 dhibcood.

Mid ka mid ah dhibaatooyinka ugu waaweyn ee Liverpool heysta waa qaab-ciyaareedka Florian Wirtz, oo kooxda ugu yimid £115m, balse weli usan dhalin goolkiisii ugu horreeyay ee Liverpool.

Wirtz wuxuu ahaa saxiixii ugu qaali­sanaa ee taariikhda Liverpool Ka hor inta ayna Liverpool la soo saxiixan xiddiga Alexander Isak.

Ma aha oo kaliya inuusan weli gool dhalin, balse xiddigii hore ee Bayer Leverkusen Wirtz hal caawin kama uusan sameyn 11 kulan oo uu ka soo muuqday Premier League.

Xiddigii hore ee khadka dhexe ee Liverpool, Hamann, wuxuu aad uga welwelsan yahay qaab-ciyaareedka Wirtz ee Anfield, wuxuuna aaminsan yahay in uu Haysto ilaa ciida gaalada si uu xaaladda u beddelo.

“Florian Wirtz fursado ayuu helay inuu wax ku qabto. Wuxuu helay fursado lixdii ilaa siddeedii todobaad ee u dambeeyay, halka kooxda aysan si fiican u shaqeyn bilowgii xilli-ciyaareedkan.”

“Xitaa kulamadii ay la ciyaareen Bournemouth, Newcastle iyo Burnley dhammaantood waxay ahaayeen kuwo ay u badan tahay inaysan u qalmin inay guuleystaan, balse way guuleysteen — isaga ayaana dhammaantood ka ciyaaray. waxa uu fursad u haystaa 3-da bilood ee soo socda si uu isku muujiyo”ayuu sii raaciyay.

 

Be the first to comment

Dhiibo Fikirkaaga